მათ ვისაც ვებგვერდის დიზაინის შესწვალა სურს დღეს YouTube-ზე უამრავი საინფორმაციო ტიპის ვიდეოა, რომელიც ყველაფერს დეტალებში თუ არა გასაგებად მაინც ხსნის. სწორედ ამიტომ მათთვის ვისთვისაც ეს ინტერესის სფეროა და სურს დრო უქმად სხვადასხვა ე.წ. „ტუტორიალების“ ძებნაში არ დახარჯოს 7 YouTube არხს წარმოგიდგენთ, სადაც ამ ინტერესის დაკმაყოფილება თითქმის სრულად არის შესაძლებელი. ამის შესახებ TechGenyz-ი წერს.
YouTube არხები web development-ში კარიერის დასაწყებად:
- Thenewboston: ეს YouTube არხი ვებგვერდის განსავითარებლად და ამ მიზნით ინფორმაციის მოსაძიებლად ძალიან პოპულარულია. ამ არხზე მომხმარებელი 4 000 ვიდეოზე მეტს ნახავს. Thenewboston-ის პოპულარობაზე ისიც მიანიშნებს, რომ მას მილიონობით გამომწერი ჰყავს. გვერდზე თქვენ ვებგვერდის განსავითარებლად არსებული საინფორმაციო ტიპის ვიდეოების გარდა კომპიუტერულ სამეცნიერო სფეროში სხვა ბევრ საინტერესო ვიდეოს აღმოაჩენთ.
- CodingEntrepreneurs: ეს არხი სხვადასხვა პროექტებზე დაფუძნებულ ვიდეოებს აერთიანებს და ძირითადად კონკრეტული მიმართულებით დეტალურ აღწერებს მოიცავს. CodingEnterpreneurs-ზე მომხმარებელი Python-ს, Django-ს, Web Application-ს, iOS-ს, Bootstrap-ს, AngularJS-ს და სხვა ბევრ საინტერესოს შეხვდება.
- The Net Ninja: The Net Ninja ე.წ. ჰაბია იმ ადამიანებისთვის ვისაც ვებგვერდის განვითარება და ზოგადად მისი დიზაინი აინტერესებს. სწორედ ამ არხიდან დაინტერესებული ადამიანები ისეთი მიმართულებით პოპულობენ „ტუტორიალებს“ როგორიც HTML-ი, CSS-ი, JavaScripts-ი, jQuery-ი, Vue JS-ი, React JS-ი, AngularJS-ი, Node JS-ი, Rest APIs-ი, PSD-იდან WordPress-მდე, Python-ი, Git-ი და Github-ია.
- LearnCodeAcademy: ეს კიდევ ერთი პოპულარული არხია, სადაც საინტერესო რესურსებს წააწყდებით. LearnCodeAcademy ამ სფეროში დაინტერესებულ ადამიანებს პროგრამირების ენასთან დაკავშირებულ ცოდნას უზიარებს. ამ YouTube არხს ვებგვერდიც აქვს, რომელიც მომხმარებელს უფასო კურსებს სთავაზობს.
- CSS Tricks: ეს არხი ძირითადად ფოკუსს CSS-ზე აკეთებს. ის დაინტერესებულ ადამიანებს ვებგვერდის შექმნაში ეხმარება და ამ მიმართულებით ყველა საჭირო დეტალის შესახებ უყვება.
- DevTips: ასევე კარგი არხია იმისთვის, რომ პროგრამირების ენისსაბაზისო ცოდნა აითვისოს დაინტერესებულმა ადამიანმა.
- Programming Knowledge: და ბოლოს ეს YouTube არხი ამ სფეროში დამწყებ ადამიანებს მარტივი ენით უხსნის PHP-ის, React-ის, Android-ის და Java-ს შესახებ. ეს არხი ამ სფეროში უახლესი მიღწევების შესახებაც გვიყვება.
https://www.techgenyz.com/2018/05/04/youtube-channels-to-learn-web-development/
