ცვლილება მეორე ჯგუფის მედიკამენტების გამოწერის წესში(ექიმებისთვის)
ბრძანება იხილეთ ქვევით,ასევე ნახავთ რეცეპტის ნიმუშს ვიზუალურად
„მეორე ჯგუფს მიკუთვნებული ფარმაცევტული პროდუქტის (სამკურნალო საშუალების)
რეცეპტის გამოწერის წესისა და ფორმა №3 - რეცეპტის ბლანკის ფორმის დამტკიცების
შესახებ“ საქართველოს შრომის, ჯანმრთელობისა და სოციალური დაცვის მინისტრის 2014
წლის 18 ივლისის №01-53/ნ ბრძანებაში ცვლილების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1
„მეორე ჯგუფს მიკუთვნებული ფარმაცევტული პროდუქტის (სამკურნალო საშუალების) რეცეპტის გამოწერის
წესისა და ფორმა №3 - რეცეპტის ბლანკის ფორმის დამტკიცების შესახებ“ საქართველოს შრომის,
ჯანმრთელობისა და სოციალური დაცვის მინისტრის 2014 წლის 18 ივლისის №01-53/ნ ბრძანებაში
(www.matsne.gov.ge; 18/07/2014, 470230000.22.035.016280) შეტანილ იქნეს ცვლილება:
1. ბრძანებით დამტკიცებული დანართი №1-ის (მეორე ჯგუფს მიკუთვნებული ფარმაცევტული პროდუქტის
(სამკურნალო საშუალების) რეცეპტის გამოწერის წესი):
ა) მე-2 მუხლს დაემატოს შემდეგი შინაარსის მე-3 პუნქტი:
„3. საყოველთაო ჯანმრთელობის დაცვის სახელმწიფო პროგრამის („საყოველთაო ჯანდაცვაზე გადასვლის
მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის
№36 დადგენილება) ფარგლებში, პროგრამით გათვალისწინებული ქიმიოთერაპიული პრეპარატების გაცემა
აფთიაქიდან პაციენტზე ხორციელდება საყოველთაო ჯანმრთელობის დაცვის სახელმწიფო პროგრამის
განმახორციელებელსა და სააფთიაქო დაწესებულებას შორის საქართველოს შრომის, ჯანმრთელობისა და
სოციალური დაცვის სამინისტროს სახელმწიფო კონტროლს დაქვემდებარებული სსიპ - სოციალური
მომსახურების სააგენტოს დირექტორის ინდივიდუალური ადმინისტრაციულ-სამართლებრივი აქტით
დამტკიცებული ანგარიშსწორების წესის საფუძველზე, ფორმა №3 რეცეპტის გამოყენების გარეშე.“;
ბ) მე-3 მუხლის:
ბ.ა) მე-3 პუნქტი ჩამოყალიბდეს შემდეგი რედაქციით:
„3. რეცეპტის A განყოფილებაში სავალდებულოა შეივსოს:
ა) სამედიცინო დაწესებულების დასახელება (ასეთის არსებობის შემთხვევაში);
ბ) რეცეპტის გამომწერი ექიმის სახელი, გვარი;
გ) პაციენტის სახელი, გვარი, ასაკი;
დ) რეცეპტის გამოწერის თარიღი;
ე) გამოწერილი ფარმაცევტული პროდუქტის დასახელება, ფორმა, დოზა, რაოდენობა და მიღების წესი;
ვ) რეცეპტის მოქმედების ვადა.“;
ბ.ბ) მე-5 პუნქტი ჩამოყალიბდეს შემდეგი რედაქციით:
„5. რეცეპტში დამატებით შესაძლებელია მიეთითოს რეცეპტის გამომწერი ექიმის და პაციენტის პირადი
ნომრები (პ/ნ), ასევე, რეცეპტის გამომწერი ექიმის და/ან სამედიცინო დაწესებულების საკონტაქტო
ინფორმაცია (ტელეფონი და/ან მისამართი).“;
ბ.გ) მე-7 პუნქტი ჩამოყალიბდეს შემდეგი რედაქციით:
„7. რეცეპტზე ფარმაცევტული პროდუქტი გამოიწერება გენერიკული დასახელებით (საჭიროების
შემთხვევაში, შესაძლებელია, დამატებით მიეთითოს სავაჭრო დასახელებაც). არაგენერიკული და
კომბინირებული ფარმაცევტული პროდუქტი გამოიწერება სავაჭრო დასახელებით.“.
გ) მე-4 მუხლის პირველი პუნქტი ჩამოყალიბდეს შემდეგი რედაქციით:
http://www.matsne.gov.ge 47023000022035016286„1. რეცეპტი, რომელიც არ იძლევა პაციენტისათვის საჭირო ფარმაცევტული პროდუქტის და/ან რეცეპტის
გამომწერის განსაზღვრის საშუალებას, მიიჩნევა გაუქმებულად და აფთიაქში მისი წარდგენისას
ფარმაცევტული პროდუქტი არ გაიცემა. ასეთი რეცეპტი გადაიხაზება, მიეთითება გაუცემლობის მიზეზი და
უბრუნდება პაციენტს.“.
2. ბრძანებით დამტკიცებული დანართი №2 (ფორმა №3 რეცეპტის ბლანკის ფორმა) ჩამოყალიბდეს
თანდართული დანართის შესაბამისად.
მუხლი 2
ამ ბრძანების ამოქმედებამდე არსებული ფორმა №3 რეცეპტის ბლანკის ფორმები (მიმოქცევაში ყოფნის
მიუხედავად), ასევე შესაძლებელია გამოყენებულ იქნეს ამ ბრძანების მიზნებისათვის.
მუხლი 3
ბრძანება ამოქმედდეს გამოქვეყნებისთანავე და მისი მოქმედება გავრცელდეს 2014 წლის 1 სექტემბრიდან
წარმოშობილ ურთიერთობებზე.
საქართველოს შრომის,
ჯანმრთელობისა და სოციალური
დაცვის მინისტრი
დავით სერგეენკო
დანართი №2
რეცეპტის ბლანკი
ფორმა N3
|
№000000
A
ფორმა №3 რეცეპტი
სამედიცინო დაწესებულება ----------------
---------------------------------------------------
ექიმი
------------------------------------------
(სახელი, გვარი)
ექიმის პ/ნ*
--------------------------------------
პაციენტი
-----------------------------------
(სახელი, გვარი, ასაკი)
პაციენტის პ/ნ*--------------------------------------
რეცეპტის გამოწერის თარიღი -----------------
რეცეპტის მოქმედების ვადა -------------------
Rp. --------------------------------------------------
-------------------------------------------------------
-------------------------------------------------------
-------------------------------------------------------
--------------------------------------------------------
D.S. ---------------------------------------------------
--------------------------------------------------------
--------------------------------------------------------
--------------------------------------------------------
ექიმის ხელმოწერა ------------------------------
ექიმის პირადი ბეჭედი
ბ.ა.
სამედიცინო
დაწესებულების ბეჭედი (შტამპი)
ბ.ა.
რეცეპტის გამომწერი ექიმის და/ან სამედიცინო დაწესებულების
საკონტაქტო ინფორმაცია* -----------------------------------
|
|
*
რეცეპტის გამომწერი ექიმისა
და პაციენტის პირადი ნომრების, ასევე, რეცეპტის გამომწერი ექიმის და/ან სამედიცინო დაწესებულების
საკონტაქტო ინფორმაციის მითითება არ არის სავალდებულო.
