უიტნი ელიზაბეთ ჰიუსტონი (ინგლ. Whitney Elizabeth Houston, დ. 9 აგვისტო, 1963, ნიუარკი, ნიუ ჯერსი — გ. 11 თებერვალი, 2012, ბევერლი ჰილსი, კალიფორნია, აშშ) იყო ამერიკელი პოპ და რიტმ-ენდ-ბლუზ მომღერალი, მსახიობი, კინოპროდიუსერი და მოდელი.მსოფლიო მასშტაბით უიტნი ჰიუსტონს გაყიდული აქვს დაახლოებით 170 მილიონი ალბომი და სინგლი. გინესის მსოფლიო რეკორდების წიგნში იგი შესულია, როგორც კომერციული თვალსაზრისით, ყველა დროის ყველაზე წარმატებული რიტმ-ენდ-ბლუზის შემსრულებელი ქალი. მომღერალი ცნობილია თავისი ძლიერი ხმის დიაპაზონით, რომელიც კოლორატურა სოპრანოდაა მიჩნეული. ის პირველი და ჯერ-ჯერობით ერთადერთი მომღერალია, რომელსაც ბილბორდის ცხელ 100-ეულში ზედიზედ შვიდი ნომერი 1 ჰიტ-სინგლი ჰქონდა. მუსიკალური შესრულების გარდა, ჰიუსტონი აღიარებული მსახიობი, პროდიუსერი და ფილანთროპი იყო.
გარდაიცვალა 2012 წლის 11 თებერვალს.
ცნობილია, რომ უკანასკნელ წლებში, ჰიუსტონი, რომელიც ალოკოჰოლიზმსა და ნარკოდამოკიდებულებაზე მკურნალობდა, ბევრს ავადმყოფობდა. 2010 წელს, მომღერლის ცუდად ყოფნის გამო, მისი მსოფლიო ტურნეც კი ჩავარდა. საუბრობდნენ იმაზეც, რომ უიტნი ჰიუსტონი, უკანასკნელ ხანს, უკიდურესად გაღარიბდა და სახლის გაყიდვის შემდეგ, მეგობრებთან ცხოვრობდა.
მომღერლის ფირფიტა „I look To You“, 2009 წელს, Billboard-ის რეტინგში, პირველ ადგილზე გავიდა და ის დიდი ხნის განმავლობაში, ლიდერობდა კანადის, გერმანიის, იტალიის და შვეიცარიის ჰიტ-პარადებში. მომღერალი გინესის რეკორდების წიგნშიც მოხვდა, როგორც ყველაზე მეტი ჯილდოების და პრემიების შემსრულებელი. მას მიღებული აქვს 6 „გრემი“, 2 „ემი“, 23 American Music Awards და 16 Billboard Music Awards.- ის ჯილდოები.
http://www.whitneyhouston.com
