ლეგენდარული ელიზაბეტ ტეილორი კინოში ძალიან პატარა ასაკში მოხვდა. იგი სულ რაღაც ათი წლის იყო, როდესაც მისი დებიუტი შედგა და მას შემდეგ წარმატებული როლები არ მოკლებია. მოდით, ერთად გადავავლოთ თვალი ლიზის პირველ ნაბიჯებს დიდ კინოში.
ლიზმა 'ჯეინ ეარის' ეკრანიზაციაში მიიღო მონაწილეობა, 1943 წელს. სადაც ჰელენ ბარნსი განასახიერა- ჯეინ ეარის ბავშვობის მეგობარი უპატრონო ბავშვთა თავშესაფარიდან.
The White Cliffs of Dover (1944)-როდი მაკდაუელისა და ელიზაბეტ ტეილორის ტანდემი უკვე მეორედ. ეს ორი მსახიობი მაშინდელ კინოსტუდიებში ჩამოყალიბებულ არტისტებსაც არ ჩამოუვარდებოდნენ. ლიზმა ამ ზღაპრულ ფილმში ბეტსი განასახიერა.
ელიზაბეტის პირველი ფილმი იყო There's One Born Every Minute,რომელიც 1942 წელს გამოვიდა, მაშინ ლიზი 10 წლის იყო. გოგონამ გლორია თვაინის როლი განასახიერა.
შემდეგი იყო Lassie Come Home(1943), ელიზაბეტმა შეასრულა პრისცილას როლი.
National Velvet (1944)-ამ ფილმმა პატარა, უნიჭიერეს ელიზაბეტს უდიდესი წარმატება მოუტანა. ელიზაბეტმა შეასრულა მთავარი, ველვეტის როლი.
Courage of Lassie იყო ფილმი, სადაც ელიზაბეტმა კვლავ მთავარი როლი მოირგო, ორწლიანი ტაიმაუტის შემდეგ მსახიობი მაყურებელს უფრო დახვეწილი და გალამაზებული დაუბრუნდა.
შემდეგი იყო შეყვარებული სინტიას როლი ფილმ "სინტიაში". ასევე Little Women-ის პირველი ეკრანიზაცია, სადაც მარგარეტ ო ბრაიენმა და ლიზმა მეორედ ითამაშეს ერთად. Julia Misbehaves-ში კი ელიზაბეტმა სიუზანის როლი განასახიერა. იგი ნელ-ნელა იხვეწებოდა და ჩამოყალიბდა როგორც მსახიობი. ტეილორმა უკვე დაიკავა საკუთარი ადგილი ჰოლივუდში და მას უკვე აღარ ერქვა ბავშვი. თუმცა კი კარიერის დასაწყისში უდაოდ სახასიათო ბავშვთა როლები განასახიერა.
