თბილისის მერის კახა კალაძის განცხადებით, დედაქალაქის მთავრობა განიხილავს 16 ოჯახისთვის საცხოვრებელი ფართების სიმბოლურ ერთ ლარად გადაცემის საკითხს სხვადასხვა უბნებში. ამის შესახებ მან მუნიციპალიტეტის სხდომაზე განაცხადა.
,,დღეს თბილისის მთავრობა განიხილავს 16 ოჯახისთვის საცხოვრებელი ფართების სიმბოლურ ერთ ლარად გადაცემის საკითხს სხვადასხვა უბნებში. მათგან 11 საცხოვრებელი ფართი მარუაშვილის ქუჩაზეა, ხოლო დანარჩენი ხუთი – გლდანის VII კვარტალში, მოსკოვის გამზირზე, აღმაშენებლის N189-ში, ლილოსა და საქსოვმანქანის დასახლებებში. მინდა მივულოცო ამ საცხოვრებლებში შესახლებულ ოჯახებს”,- აღნიშნა კახა კალაძემ
