კულინარიული ბლოგი

---

კარტოფილის, სოსისისა და სოკოს ბრაწულა Posted: 03 Jun 2016 11:35 AM PDT დღეს ძალიან კარგ რეცეპტს გთავაზობთ. მარტივი და უგემრიელესი კერძია. შეგიძლიათ მოამზადოთ სადილისთვის ან ვახშმად. მარტივია, თუმცა ცოტა დიდი დრო სჭირდება. ძალიან არომატულია და მისი მომზადებით ნამდვილად კმაყოფილი დარჩებით. დაგჭირდებათ: 1 კგ. ნახევრად მოხარშული კარტოფილი 400 გ. სოსისი 400 გ. ქამა სოკო 250 გ. არაჟანი 1/2 კონა კამა მარილი, პილპილი გემოვნებით მომზადება: კარტოფილი და სოსისი მრგვალად და თხლად, სოკო კი გრძლად და თხლად დაჭერით. კამა წვრილად დაჭერით. საცხობ ტაფას წაუსვით ზეთი, შემდეგ კი ფორმაზე გაანაწილეთ კარტოფილი, მოაყარეთ მარილი, პილპილი და კამა, წაუსვით არაჟანი, შემდეგ ფენად სოსისი დაალაგეთ, ბოლოს კი სოკო. მოაყარეთ მარილი. ეს ფენა ისევ გაიმეორეთ.  არაჟანი კვლავ გადაუსვით და კამა მოაყარეთ. ფორმას ზემოდან ალუმინის ქაღალდი გაუკეთეთ. შედგით 250 გრადუსზე გაცხელებულ ღუმელში. ასე აცხვეთ 30 წუთი, შემდეგ კი ალუმინის ქაღალდი მოხსენით და 10-15 წუთი ასე აცხვეთ. კარყოფილი და სოკო რომ გამოცხვება, მზადაა.

You are subscribed to email updates from კულინარიული ბლოგი. To stop receiving these emails, you may unsubscribe now.	Email delivery powered by Google
Google Inc., 1600 Amphitheatre Parkway, Mountain View, CA 94043, United States